काठमाडौं : पिसाब जानु एक प्राकृतिक प्रक्रिया हो। गर्मीमा मानिसले कम पिसाब जान्छ भने जाडोमा पिसाब बढी जानुपर्छ।

गर्मीमा शरीरबाट पसिनाको रुपमा पानी बाहिर निस्कन्छ भने जाडोमा यस्तो अवस्था आउँदैन। यस कारण गर्मीमा पिसाब बढी आउँछ। मानिसहरूले पिसाब गर्दा आफूलाई हल्का महसुस गर्छन्। तर, कतियले पिसाब लागि सक्दा पनि पिसाब रोकेर राख्ने बानी हुन्छ। यदि एक वा दुई पटक पिसाब रोकियो भने समस्या छैन। तर यदि पिसाब रोक्ने प्रक्रिया दोहोर्‍याइएको छ भने स्वास्थ्यको हिसाबले जोखिम पूर्ण पनि हुनसक्छ।

धेरै समय पिसाब रोक्ने बानी छ भन्ने यस्ता स्वास्थ्य समस्या हुनसक्छ।

पिसाब नलीमा संक्रमण

लामो समयसम्म पिसाब राख्नुभयो भने पिसाबको नलिमा इन्फेक्सनको समस्या हुन सक्छ । पिसाब नलीमा ब्याक्टेरिया बढ्न थाल्छ। यसले पिसाबमा रगत आउनु, पोल्ने, गाढा रंगको पिसाब हुने, पेटको तल्लो भागमा दुख्ने जस्ता समस्या हुन सक्छ।

दुखाइ महसुस

लामो समयसम्म पिसाब रोकिराख्ने मानिसहरुमा मूत्राशय र मृगौलामा दुखाइ हुने समस्या हुनसक्छ। वास्तवमा, मृगौलाको काम भनेको शरिरको विषाक्त पदार्थ बाहिर निकाल्ने हो तर लामो समय सम्म पिसाब रोकेर राख्दा यस्ता बिषाक्त तत्वहरु बाहिर जान पाँउदैन र  उक्त रोकिराखेको पिसाबले  मांसपेशी र मृगौला दुख्ने गर्छ।

मिर्गौलाको पत्थरी

लामो समयसम्म पिसाब रोकिराख्नु असर धेरै मिर्गौलामा देखिने गर्छ। साथै लामो समयसम्म पिसाब रोक्दा पनि पत्थरीको समस्या हुन सक्छ। धेरै ढुङ्गा बनेर मिर्गौला बिग्रने खतरा बढ्छ।

मूत्राशय फुट्न सक्छ

यदि तपाइ बारम्बार पिसाब रोक्दै हुनुहुन्छ भने, यसले मूत्राशयको पर्खालहरू कमजोर हुन थाल्छ। यो अवस्था लामो समयसम्म दोहोरिएमा पिसाब थैली फुट्ने खतरा रहन्छ । पिसाब लिक हुने सम्भावना रहन्छ। जसका कारण प्राइभेट पार्टमा पनि असह्य पीडा हुन थाल्छ।